Term Insurance: మన జీవితంలో భవిష్యత్తు అవసరాలను తీర్చుకోవడానికి వివిధ రకాల పెట్టుబడులు, ఇన్వెస్ట్‌మెంట్స్ చేసేందుకు మనం ప్రయత్నిస్తుంటాం. అయితే, కుటుంబ రక్షణ విషయంలో చాలా మంది ఒక ముఖ్యమైన అంశాన్ని మర్చిపోతారు. తమ కుటుంబాన్ని భద్రపరచడానికి, ఎప్పటికప్పుడు అవసరమైన సాయం అందించడానికి, సరైన ‘టర్మ్ ఇన్సూరెన్స్’ తీసుకోవడం అత్యంత ముఖ్యం. కానీ, కొంతమంది దీని పేమియం మొత్తాన్ని పొరపాటున అధికంగా భావించి, అవసరానికి మించిన దారులు అనుకుంటారు.
టర్మ్ ఇన్సూరెన్స్ ఎందుకు ముఖ్యం?
టర్మ్ ఇన్సూరెన్స్ తీసుకోవడం ఎందుకు ముఖ్యమో మీకు తెలుసా? ఇది చాలా తక్కువ ఖర్చుతో పెద్ద మొత్తంలో కవరేజ్ అందిస్తుంది. అనుకోకుండా జరిగే మరణాలు లేదా అపరిస్థితులలో మీ కుటుంబానికి ఆర్థిక భద్రత అందించడానికి ఇది అత్యంత అవసరం. మామూలు బీమా పథకాలతో పోలిస్తే, టర్మ్ ఇన్సూరెన్స్ ప్రీమియం తక్కువగా ఉండి, మరణ సదుపాయం గరిష్ఠంగా ఉంటుంది. ఇది మీ కుటుంబానికి భవిష్యత్తులో ఆర్థికంగా వెసులుబాటు కల్పిస్తుంది, ముఖ్యంగా మీరు ప్రధాన ఆదాయ వనరు అయితే. అందువల్ల, మీ కుటుంబ భద్రత కోసం టర్మ్ ఇన్సూరెన్స్ తీసుకోవడం అనివార్యం.
కానీ చాలా తక్కువ ఖర్చుతో ఎక్కువ కవరేజీ పొందగల టర్మ్ పాలసీలను చాలా మంది సాధారణంగా నిర్లక్ష్యం చేస్తారు. దీనికి ప్రధాన కారణం మెచ్యూరిటీ సమయంలో భీమా దారుడు బ్రతికి ఉంటే, భీమా కంపెనీ ఎటువంటి చెల్లింపు చేయదు అని భావించబడటం. ప్రీమియం రిటర్న్ పాలసీలు కంపెనీ లు అందిస్తాయి, వీటి వల్ల లిమిటెడ్ టైం పీరియడ్ తరువాత పాలసీ వద్దు అనుకున్నా / మెచ్యూరిటీ సమయంలో భీమా దారుడు బ్రతికి ఉన్నా మీరు చెల్లించిన ప్రీమియం టాక్స్ కట్ చేసి మీకు పొందేలా చేస్తుంది. కానీ వాటి ప్రీమియం రెట్టింపు ఉంటుంది. అందుకే ఇలా భావించే వారి కోసం ఈ చిన్న ట్రిక్ పాటిస్తే టర్మ్ పాలసీ మీకు ఉచితంగా లభిస్తుంది. దీని కోసం మీరు కొంత మొత్తం పెట్టుబడిగా పెట్టగలిగితే ఇది ఒక మంచి ఆప్షన్. ఈ ఆప్షన్ గురించి తెలుసుకునే ముందు SWP అంటే ఏమిటో తెలుసుకుందాం.
SWP అంటే ఏమిటి?
SWP అంటే Systematic Withdrawal Plan (సిస్టమాటిక్ విత్‌డ్రావల్ ప్లాన్). SWP అనేది ఒక ఆప్షన్, దీని ద్వారా మీరు మీ మ్యూచువల్ ఫండ్ (Mutual Funds) లో పెట్టుబడి చేసిన డబ్బు నుండి నిర్దిష్ట సమయానికి అవసరమైన మొత్తాన్ని తీసుకోవచ్చు. ఉదాహరణకు, మీరు ప్రతి నెలా లేదా మూడు నెలలకి ఒక నిర్దిష్ట మొత్తాన్ని సిస్టమాటిక్‌గా తీసుకోవచ్చు. ఇది మీరు మీ పెట్టుబడిని సిస్టమాటిక్ పద్ధతిలో ఉపయోగించడానికి అనుకూలం. SWP ద్వారా మీరు మీ పెట్టుబడిని క్రమంగా తీసుకుంటూ, మ్యూచువల్ ఫండ్ లోని నిధులను పూర్తిగా తొలగించకుండా మీ అవసరాలను తీర్చుకోవచ్చు. ఈ విధానం, మీకు అవసరమైన మొత్తాన్ని తరచుగా లభించేందుకు సహాయపడుతుంది, మీ పెట్టుబడిని సురక్షితంగా ఉంచుతుంది.
SWP ద్వారా టర్మ్ పాలసీ ఎలా తీసుకోవాలి?
మీరు 2 లక్షల రూపాయల్ని SWP లో పెట్టుబడిగా పెట్టినట్లయితే, మీకు ప్రతినెలా ₹1500 రూపాయలు నిర్దిష్ట మొత్తంగా పొందవచ్చు. అంటే ఒక సంవత్సరానికి ₹18,000 అందుకుంటారు.
30సంవత్సరాల వ్యక్తి 1 కోటి రూపాయల టర్మ్ ఇన్సూరెన్స్ తీసుకోవడానికి 15000 నుండి 18000 వరకు ఉంటుంది. ఇలా ప్రతి నెలా మీరు SWP ద్వారా పొందే ₹1500 ను టర్మ్ ఇన్సూరెన్స్ ప్రీమియం కింద ఉపయోగిస్తే, అది మీకు మరో విధమైన ఆర్థిక భద్రతను కలిగిస్తుంది. ఈ విధంగా మీరు SWP ద్వారా మీ టర్మ్ ఇన్సూరెన్స్ ప్రీమియంను క్రమం తప్పకుండా చెల్లిస్తూ, ఒక విధంగా చూస్తే ఆ ఇన్సూరెన్స్ ను ఉచితంగా పొందినట్లే అవుతుంది మరియు SWP ద్వారా చేసిన డబ్బు కూడా దీర్ఘ కాలం లో 10 రెట్లుగా పెరిగే అవకాశం ఉంటుంది. ఈ ఆప్షన్ వల్ల రెండు రకాలుగా లాభం పొందవచ్చు.
30 సంవత్సరాల వ్యక్తి ఇలా చేస్తే ఎంత లాభం పొందవచ్చు?
30 సంవత్సరాల వ్యక్తి టర్మ్ ఇన్సూరెన్సు 60 సంవత్సరాల వయసు వరకు తీసుకున్నాడు అనుకుందాం. అతను పైన తెలిపిన పద్ధతిని అనుసరిస్తే, దీర్ఘకాలంలో మ్యూచువల్ ఫండ్స్ 12 నుండి 15 శాతం ROI (Return on Investment) వరకు లాభాలు ఇస్తాయి. ఈ విధంగా అతడు పెట్టిన 2 లక్షలు పెట్టుబడికి ప్రతి సంవత్సరం ₹18,000 ఉపసంహరించుకుంటాడు. మిగిలిన మొత్తం కూడా ROI తో పెరుగుతూ ఉంటుంది. ఇలా మొత్తం 30 సంవత్సరాల తర్వాత అతనికి సుమారు ₹1,953,964 రూపాయలు లాభంగా వస్తుంది (SWP ద్వారా పొందిన మొత్తం కలిపి).
ఈ విధంగా, SWP ద్వారా ప్రతినెలా పొందే స్థిరమైన ఆదాయాన్ని టర్మ్ ఇన్సూరెన్స్ ప్రీమియంలా ఉపయోగించడం ద్వారా మీరు మీ కుటుంబానికి ఆర్థిక భద్రత కల్పించడమే కాకుండా, మీ మొత్తం పెట్టుబడి నుండి మంచి లాభాలను కూడా పొందవచ్చు. దీని వలన మీకు టర్మ్ ఇన్సూరెన్స్ ఉచితంగా పొందినట్లే కాకుండా, పెట్టుబడి రాబడిని కూడా సరిగ్గా వినియోగించినట్లవుతుంది.
మరిన్ని ఆప్షన్లు:
ఇంకా, పోస్టాఫీస్ మంత్‌లీ ఇన్‌కం స్కీమ్, టాక్స్ సేవింగ్ ఎఫ్‌డీ వంటి సురక్షితమైన పథకాల ద్వారా కూడా ఇన్వెస్ట్ చేయవచ్చు. కానీ వీటి ద్వారా మీకు వచ్చే నెల ఆదాయం కాస్త తక్కువగా ఉంటుంది, మరియు మీ పెట్టుబడికి ముందుగా పెరిగే అవకాశం ఉండదు.
గమనిక: ఇక్కడ పేర్కొన్న లెక్కలు అంచనా పద్ధతులు మాత్రమే. మీ పెట్టుబడికి సంబంధించిన ROI మరియు పన్ను ప్రభావం కూడా మీరు పరిశీలించాల్సి ఉంటుంది. ఎప్పుడైతే మీరు ఈ విధమైన పెట్టుబడులు చేయాలని నిర్ణయించుకుంటారో, ఆ సమయంలో ఎక్స్‌పర్ట్ సలహాను తీసుకోవడం మంచిది.
