Rule 72: ఇప్పటి రోజుల్లో ప్రతి ఒక్కరు తమ సంపదను పెంచుకోవడానికి పెట్టుబడులు వైపు చూస్తున్నారు. కానీ పెట్టుబడులు పెట్టేటప్పుడు, దాని గ్రోత్ రేటు ఎంత ఉంటుందో తెలుసుకోవడం ముఖ్యంగా ఉంటుంది. అయితే, షుమారు వడ్డీ రేటు ప్రకారం మన పెట్టుబడులు ఎన్ని సంవత్సరాల్లో రెట్టింపు అవుతాయో తెలుసుకోవడానికి 72 సూత్రం (Rule of 72) ఎంతో ఉపయోగకరం. ఈ సూత్రం మన పెట్టుబడులు ఎన్ని సంవత్సరాల్లో రెట్టింపు అవుతాయో సులభంగా అంచనా వేయడానికి సహాయపడుతుంది. ఉదాహరణకు మీరు 15 శాతం(షుమారుగా) రాబడిని ఇచ్చే ఒక మ్యూచువల్ ఫండ్ లో పెట్టుబడి పెడితే ఎన్ని సంవత్సరాలలో మీ పెట్టుబడి రెట్టింపు అవుతుంది అనేది ఈ ఈ సూత్రం ద్వారా తెలుసుకోవచ్చు. దీనిని ఎప్పుడు, ఎలా ఉపయోగించాలో ఈ వ్యాసంలో తెలుసుకుందాం.
72 సూత్రం అనేది ఏమిటి?
72 సూత్రం అనేది ఫైనాన్షియల్ ప్రొఫెషనల్స్ మరియు ఇన్వెస్టర్ల మధ్య బాగా ప్రాచుర్యం పొందిన సూత్రం(బేసిక్ మ్యాథమేటిక్ రూల్). దీని ద్వారా ఒక పెట్టుబడి ఎన్ని సంవత్సరాల్లో రెట్టింపు అవుతుందో అంచనా వేయవచ్చు. ఈ సూత్రం ప్రకారం:
పెట్టుబడులు రెట్టింపు కావడానికి అవసరమైన సంవత్సరాల సంఖ్య = 72 / వార్షిక వృద్ధి రేటు
ఇది ఒక సిమ్ప్లిఫైడ్ ఫార్ములా మాత్రమే, కానీ అది చాలా సార్లు నిజానికి చాలా దగ్గరగా ఉంటుంది. ఈ సూత్రం కంపౌండింగ్ ప్రిన్సిపల్‌పై ఆధారపడుతుంది.
72 సూత్రం ఉపయోగం:
ఎవరైనా భవిష్యత్తు కోసం సేవ్ చేయడం లేదా పెట్టుబడి ప్లాన్ చేయాలని చూస్తున్నప్పుడు, 72 నియమాన్ని ఉపయోగించి, వారి లక్ష్యాలను చేరుకోవడానికి అవసరమైన సమయాన్ని అంచనా వేయవచ్చు. ఇది వారికి హై-రిస్క్, హై-రిటర్న్ పెట్టుబడి కావాలా, లేదా లో-రిస్క్, లో-రిటర్న్ సరిపోతుందా అనే విషయంపై స్పష్టతనిస్తుంది. ఈ విధంగా, ఫైనాన్షియల్ ప్రణాళికను సులభతరం చేస్తుంది. విభిన్న ఆర్థిక ఉత్పత్తులు, ఉదాహరణకు FD, మ్యూచువల్ ఫండ్స్, మొదలైన వాటిలో వడ్డీ రేట్లు పోల్చేటప్పుడు 72 నియమం చాలా ఉపయోగకరంగా ఉంటుంది. ఇది ఏది ఉత్తమ వడ్డీ రేటు, ఏ రేటులో మీ పెట్టుబడులు వేగంగా డబుల్ అవుతుందో సులభంగా చెప్పగలదు.
భవిష్యత్తులో ఏదైనా ప్రత్యేక మొత్తాన్ని చేరుకోవాలని మీరు నిర్ణయించుకున్నప్పుడు, 72 నియమాన్ని ఉపయోగించి, ఎప్పుడు మొదలు పెట్టాలి, ఏ వడ్డీ రేటుతో డబుల్ చేసుకోవచ్చో ప్లానింగ్ చేయవచ్చు. అయితే ఇది సుమారు అంచనా వేసే టూల్ మాత్రమే, కాబట్టి మార్కెట్ మార్పులు, రిస్క్ వంటి అంశాలను కూడా పరిగణలోకి తీసుకోవడం ముఖ్యం. వృద్ధి రేటు ఆధారంగా సరిగ్గా నిర్ణయాలు తీసుకోవడం, అలాగే లాభదాయకమైన పెట్టుబడులపై దృష్టి పెట్టడం కోసం ఈ సూత్రం ఆచరణలో ఉపయోగపడుతుంది.
ఉదాహరణలు:
- ఈక్విటీ మార్కెట్ పెట్టుబడులు: మీరు స్టాక్ మార్కెట్లో పెట్టుబడి చేస్తున్నారని అనుకుందాం, మరియు మీ పెట్టుబడికి సగటున 8% వార్షిక వృద్ధి రేటు ఉంటుంది. 72 సూత్రం ప్రకారం, మీ పెట్టుబడులు రెట్టింపు కావడానికి 72 ను 8తో భాగించాలి. 72/ 8 = 9 సంవత్సరాలు అంటే, మీ పెట్టుబడి సుమారు 9 సంవత్సరాల్లో రెట్టింపు అవుతుంది.
- ఫిక్స్‌డ్ డిపాజిట్లు (FD): భారతదేశంలో చాలా మంది ఫిక్స్‌డ్ డిపాజిట్లలో పెట్టుబడులు పెడుతుంటారు. ఒక FD లో సగటు వడ్డీ రేటు TDS కట్ అయ్యి 6% అని అనుకుందాం. 72 సూత్రం ప్రకారం, మీ FDలో పెట్టుబడి రెట్టింపు కావడానికి 72 ను 6తో భాగించాలి. 72 / 6 = 12 సంవత్సరాలు అంటే, మీరు పెట్టుకున్న FD సుమారు 12 సంవత్సరాల్లో రెట్టింపు అవుతుంది.
- నవ కేటగిరీ పెట్టుబడులు: మీరు కొత్తగా వచ్చిన ఇన్వెస్ట్మెంట్ ఇన్స్ట్రుమెంట్స్ వంటి క్రిప్టోకరెన్సీల్లో పెట్టుబడులు పెడుతున్నారని అనుకుందాం, మరియు అది సుమారు 18% వార్షిక వృద్ధి రేటును కలిగి ఉంది. ఈ సూత్రం ప్రకారం, మీ పెట్టుబడులు రెట్టింపు కావడానికి 72 ను 18తో భాగించాలి. 72 / 18 = 4 సంవత్సరాలు అంటే, 4 సంవత్సరాలలో మీ పెట్టుబడి రెట్టింపు అవుతుంది. అయితే, ఇలాంటి పెట్టుబడుల్లో రిస్క్ కూడా ఎక్కువే.
మనం పెట్టదలుచుకున్న పెట్టుబడులు సగటు వడ్డీ రేటు తెలుసుకుంటే ఈ 72 సూత్రం సులభంగా అంచనా వేయడానికి సహాయపడుతుంది. ఎంత తక్కువ వయసులో పెట్టుబడులు ప్రారంభిస్తే అంత తక్కువ వయసులోనే ఎక్కువ సంపాదించవచ్చు అని ఈ సూత్రం ముఖ్య ఉద్దేశ్యం. కానీ, కొన్ని సందర్భాలలో ఇది ఖచ్చితమైన ఫలితాలను ఇవ్వకపోవచ్చు. వాస్తవంలో మార్కెట్ అటు ఇటుగా మారుతుంటుంది, మరియు ఇన్వెస్ట్మెంట్ రిటర్న్స్ కూడా క్రమంగా ఉండవు.
అంతే కాకుండా, ఈ సూత్రం తక్కువ వృద్ధి రేట్లకు మరియు అధిక వృద్ధి రేట్లకు (అంటే 8% కంటే తక్కువ లేదా 20% కంటే ఎక్కువ) సమానంగా ఉపయోగపడదు. క్రెడిట్ కార్డ్, కార్ లోన్, హోమ్ లోన్‌లు లేదా స్టూడెంట్ లోన్‌పై వడ్డీ రేట్లను లెక్కించడానికి కూడా 72 నియమాన్ని ఉపయోగించవచ్చు. రుణదాత మొత్తాన్ని రెట్టింపు చేయడానికి ఎన్ని సంవత్సరాలు పడుతుందో ఇది చూపుతుంది. కచ్చితమైన వడ్డీ రేట్లు గల కంపౌండ్ ఇంట్రెస్ట్ రేట్లకు (సుకన్య సమృద్ధి యోజన, నేషనల్ సేవింగ్స్ సర్టిఫికెట్, సీనియర్ సిటిజన్స్ స్కీం, FD వంటి అనేక పథకాలు) దాదాపు కచ్చితమైన ఫలితాలు ఇస్తుంది.
Rule 72 మరియు Rule 70 మధ్య వ్యత్యాసం
రూల్ ఆఫ్ 72 మరియు రూల్ ఆఫ్ 70 రెండు శాతం వృద్ధిని అంచనా వేయడానికి ఉపయోగించే సూత్రాలు. రూల్ ఆఫ్ 72 ప్రకారం, ఒక పెట్టుబడి విలువ రెండు రెట్లు పెరగడానికి తీసుకునే సంవత్సరాల సంఖ్యను అంచనా వేయడం కోసం 72ని వార్షిక వృద్ధి రేటుతో భాగించాలి. రూల్ ఆఫ్ 70 కూడా అలానే పని చేస్తుంది, కానీ 72 స్థానంలో 70ని ఉపయోగిస్తుంది. వీటిద్దరి మధ్య తేడా చాలా చిన్నది, కానీ రూల్ ఆఫ్ 72 ఎక్కువగా ఉపయోగిస్తారు, ఎందుకంటే చాలా వాస్తవిక వృద్ధి రేట్లకు ఇది మరింత ఖచ్చితమైన అంచనాలను ఇస్తుంది. రూల్ ఆఫ్ 70 సాధారణంగా సులభంగా అర్థం చేసుకోవడానికి గణనల కోసం ఉపయోగిస్తారు, కానీ తక్కువ ఖచ్చితత్వాన్ని కలిగి ఉంటుంది.
ఏ క్రింది లింక్ క్లిక్ చేసి మీ పెట్టుబడి, వడ్డీ శాతం వివాలను నమోదు చేసి ఉదాహరణలు తెలుసుకోవచ్చు.
https://fintra.co.in/english/calculator/12
సంక్షిప్తంగా:
72 సూత్రం అనేది ఫైనాన్షియల్ ప్రణాళికల్లో ఉపయోగపడే ఒక సాధారణ టూల్ మాత్రమే. ఇది పెట్టుబడులు ఎన్ని సంవత్సరాల్లో రెట్టింపు అవుతాయో అంచనా వేయడానికి సులభమైన మార్గం అందిస్తుంది. కానీ, దీన్ని ఒక సూత్రం మాత్రమేగా చూడాలి, మరియు మీ పెట్టుబడులు మున్ముందు రిటర్న్స్, రిస్క్ వంటి అంశాలపై పూర్తిగా పరిశీలన చేయడం అవసరం. ఈ సూత్రం సాయంతో మీరు మీ పెట్టుబడులు ఎప్పుడు రెట్టింపు అవుతాయో సులభంగా తెలుసుకోవచ్చు, కానీ మీ పెట్టుబడులకు సంబంధించిన అన్ని అంశాలను క్షుణ్ణంగా అంచనా వేయడం అవసరం.
