ఫ్రీలాన్సింగ్ అంటే ఏమిటి?
Money Management Tips: ఫ్రీలాన్సింగ్ అనేది ఒక వృత్తిపరమైన పని విధానం, ఇందులో వ్యక్తులు తాము నైపుణ్యాలున్న సేవలను సంస్థలకు లేదా వ్యక్తులకు ఒప్పందం ఆధారంగా అందిస్తారు. ఫ్రీలాన్సర్లకు ఒక ప్రత్యేక సంస్థలో ఉద్యోగిగా పనిచేయాల్సిన అవసరం ఉండదు. వారు స్వతంత్రంగా తమ పని చేసుకుంటూ, తమకు అనుకూలమైన ప్రాజెక్టులను ఎన్నుకుని, నిర్ణీత గడువులో పూర్తి చేస్తారు.
ఫ్రీలాన్సింగ్ అనేది డిజిటల్ మార్కెటింగ్, కంటెంట్ రైటింగ్, గ్రాఫిక్ డిజైన్, వెబ్ డెవలప్‌మెంట్, ఫోటోగ్రఫీ, వీడియో ఎడిటింగ్, ట్రాన్స్‌లేషన్, మరియు ఇతర అనేక రంగాల్లో అందుబాటులో ఉంటుంది.
ఫ్రీలాన్సింగ్ ద్వారా ఆదాయం ఎక్కువగా వస్తుందా?
ఫ్రీలాన్సింగ్ ద్వారా ఆదాయం ఎక్కువగా వస్తుందా అంటే, ఇది పూర్తిగా ఫ్రీలాన్సర్ పనిచేస్తున్న రంగం, ఉన్న నైపుణ్యాలు, క్లయింట్ల డిమాండ్, అనుభవం, మరియు పనిభారం మీద ఆధారపడి ఉంటుంది. ఇప్పుడున్న పరిస్తుతుల్లో అనేకమంది జాబ్ చేయడం కన్నా బిజినెస్ లేదా ఫ్రీలాన్సింగ్ వైపే మొగ్గు చూపుతున్నారు. ఎందుకంటే బిజినెస్ లో మంచి లాభాలు ఉంటాయని లేదా ఫ్రీలాన్సింగ్ లో స్వేచ్ఛ దొరుకుతుంది అని అనేక మంది అభిప్రాయం.
ఫ్రీలాన్సింగ్ మన రోజువారీ జీవనంలో చాలా స్వేచ్ఛను అందిస్తుంది, కానీ అదే సమయంలో, ఇది ఆర్థిక ఒడిదుడుకులను కూడా తీసుకురావచ్చు. ఒక నెలలో అధిక ఆదాయం వస్తే, మరొక నెలలో పూర్తిగా ఖాళీగా ఉండే అవకాశముంది. అందుకే, ఆదాయాన్ని సమర్థవంతంగా నిర్వహించడం చాలా ముఖ్యం.
రమేష్, ఒక ఫ్రీలాన్స్ డిజైనర్. మొదటిసారిగా అతను భారీ ప్రాజెక్ట్ పూర్తి చేసినప్పుడు, తక్షణం తనకు కావాలనుకున్న అనేక వస్తువులను కొనుగోలు చేశాడు. కానీ ఆ తర్వాత మూడునెలల పాటు పని రాకపోవడం వల్ల, తన ఖర్చులకు సరిపడే డబ్బు కూడా లేకుండా పోయింది. ఇదే పరిస్థితి మీకు ఎదురవ్వకూడదంటే కొన్ని విషయాలు గుర్తుపెట్టుకోవాలి. ఫ్రీలాన్సర్‌గా మీ ఆర్థిక వ్యవహారాలను సమర్థవంతంగా నిర్వహించేందుకు మీకు ఈ ఎనిమిది సూచనలను తెలియజేస్తున్నాను.
1. నెలవారీ మీరు తీసుకునే ఆదాయం గురించి అవగాహన పొందండి
ఫ్రీలాన్స్ ఆదాయం సంపాదించినప్పుడు, అది 100% మీకు చేరదు ఎందుకంటే ఆ ఆదాయంలో కొన్ని ముఖ్యమైన ఖర్చులు మరియు పన్నులు కూడా ఉంటాయి. మీరు మీ నికర ఆదాయాన్ని తెలుసుకోవడం కోసం ఖర్చులను సరైన రీతిలో లెక్కించడం అవసరం.
మీ స్థూల ఆదాయం నుండి అన్ని ఖర్చులు తొలగించి, మిగిలిన నికర ఆదాయాన్ని లెక్కించండి. అనంతరం, కొంత మొత్తాన్ని స్వీయ సంరక్షణ మరియు లగ్జరీకి కేటాయించండి. మీ భవిష్యత్తు రిటైర్మెంట్ కోసం మిగతా డబ్బును సేవింగ్స్ గా పెట్టండి.
2. అవసరమైన ఖర్చులకు ప్రాధాన్యత ఇవ్వండి
ఫ్రీలాన్సర్లు చేసే పెద్ద తప్పు ఏమిటంటే, ఆదాయం వచ్చిన వెంటనే లగ్జరీలపై ఖర్చు చేయడం. మొదట మీ బస, ఆహారం, ట్రాన్స్‌పోర్ట్ వంటి అవసరాల ఖర్చులను కవర్ చేయండి. మిగతా డబ్బును సేవింగ్స్ లేదా పెట్టుబడులకు కేటాయించండి.
3. ఫ్రీలాన్సర్లకు ప్రత్యేక వ్యాపార బ్యాంకు ఖాతా కలిగి ఉండటం అనేది ఆర్థిక నిర్వహణలో అత్యంత కీలకమైన అంశం
ఫ్రీలాన్సర్‌గా మీరు పని చేస్తున్నప్పుడు, మీ వ్యక్తిగత ఖాతా ద్వారా క్లయింట్ల నుండి పేమెంట్లు స్వీకరించడం అనేది వృత్తిపరమైన దృష్టికోణం నుంచి సరైన మార్గం కాదు. వ్యాపార ఆదాయాలను మరియు ఖర్చులను వ్యక్తిగత ఖాతాతో మిళితం చేయడం చేత, ఆర్థికంగా నమ్మకమైన నిర్వహణ సాధించడం కష్టం అవుతుంది.
వ్యాపార ఖాతా మీ ఫ్రీలాన్సింగ్ ఆదాయాన్ని మరియు ఖర్చులను వేర్వేరు గా నిర్వహించడానికి ఉపయోగపడుతుంది. ఇది మీకు వ్యాపారం సంబంధిత లావాదేవీలు మరియు ఆర్థిక వివరాలను స్పష్టంగా తెలుసుకోవడానికి సహాయపడుతుంది. అటు మాత్రమే కాకుండా, వ్యాపార ఖాతా కలిగి ఉండటం ద్వారా మీరు మీ వ్యాపారం యొక్క పన్ను నిర్వహణను కూడా మెరుగుపరచవచ్చు, ఇది మీకు భవిష్యత్తులో పెద్ద ప్రయోజనాలు ఇవ్వగలదు.
ఇది మీ ఆదాయం మరియు ఖర్చులను స్పష్టంగా వేరు చేసి, ఆర్థిక పరిస్థితిని సులభంగా విశ్లేషించవచ్చు.
4. అత్యవసర నిధి అవసరం
అనుకోని పరిస్థితులు ఎప్పుడు వస్తాయో ఎవరూ ఊహించలేరు. రమేష్ మాదిరిగా, మీకు కూడా కనీసం ఆరు నెలల అవసరాలకు సరిపడే అత్యవసర నిధిని ఏర్పాటు చేసుకోండి. ఇది మీకు ఆర్థిక భద్రతను కల్పిస్తుంది. మీ ఆదాయంలో కనీసం 20-30% సేవింగ్‌కి కేటాయించడం మంచి ఆచారం. ఈ మొత్తం ఫిక్స్‌డ్ డిపాజిట్, మ్యూచువల్ ఫండ్‌లు లేదా స్టాక్ మార్కెట్‌లో పెట్టుబడి చేయవచ్చు. ఈ సేవింగ్స్ అత్యవసర పరిస్థితుల్లో మీకు ఆర్థిక భద్రతను కల్పిస్తాయి. లేదా మీ ఆదాయంలో కొంత భాగాన్ని రిటైర్మెంట్ ఫండ్, SIP, లేదా ఇతర లాంగ్-టర్మ్ పెట్టుబడుల్లో పెట్టడం ద్వారా భవిష్యత్తు కోసం ఆదా చేయవచ్చు. ఈ పెట్టుబడులు మీకు స్థిరమైన ఆదాయ వనరులుగా మారతాయి.
5. ప్యాసివ్ ఇన్‌కమ్ గురించి ఆలోచించండి
చాలా మంది ఫ్రీలాన్సర్లు ఒకే క్లయింట్‌పై ఆధారపడి ఉండటం వల్ల అనేకసార్లు నష్టపోతారు. అందుకే, నష్టాలను తగ్గించుకోవడం మరియు ఆదాయాన్ని స్థిరంగా ఉంచుకోవడం కోసం ప్యాసివ్ ఆదాయ మార్గాలను పెంచుకోవడం చాలా ముఖ్యం. మీరు మీ ప్రత్యేక నైపుణ్యాలను ఉపయోగించి ఒక ఈ-బుక్ తయారు చేసి దాన్ని విక్రయించడం లేదా ఆన్లైన్ కోర్సు రూపొందించడం ద్వారా మంచి ప్యాసివ్ ఆదాయాన్ని పొందవచ్చు. ఈ విధంగా, మీ అభిరుచికి తగినట్లు విభిన్న మార్గాల నుండి ఆదాయం పొందే అవకాశాన్ని సృష్టించవచ్చు
6. ఫ్రీలాన్సర్‌గా సరైన బీమా ఎంచుకోండి
మీ వ్యాపారానికి తగిన బీమా ఏది కావాలో అర్థం చేసుకోవడం చాలా ముఖ్యం, ఎందుకంటే సరైన బీమాను ఎంపిక చేయడం అంత కష్టమైన పని కాదు. మీ ఫ్రీలాన్సింగ్ వ్యాపారం కోసం మీరు వ్యక్తిగత వాహనం ఉపయోగిస్తే, ఆర్థిక రక్షణ కోసం ప్రమాదవశాత్తు జీవిత బీమా మరియు సరైన ఆటోమొబైల్ బీమా కలిగి ఉండడం అత్యంత అవసరం.
ప్రయాణం చేయాల్సిన ఫ్రీలాన్సర్లు తమ ఆరోగ్యాన్ని కాపాడుకోవడమే కాకుండా, వారి వ్యక్తిగత పరికరాలకు కూడా కవరేజీ కలిగి ఉండే ట్రావెల్ బీమా అవసరం. అలాగే, గృహ కార్యాలయంలో లేదా నిశ్చల ప్రదేశంలో పని చేసే ఫ్రీలాన్సర్లకు ఆరోగ్య బీమా మరియు వారి పరికరాలను కవర్ చేసే బీమా అవసరం.
7. పన్నుల ప్రణాళిక మర్చిపోవద్దు
ఫ్రీలాన్సింగ్ ఆదాయంపై పన్ను చెల్లించక తప్పదు. రమేష్ మొదట ఇది గుర్తించలేదు, కానీ ఆర్థిక సంవత్సర ముగింపులో పెద్ద మొత్తంలో పన్ను బకాయి రావడం అతనికి పెద్ద సమస్యగా మారింది. మాసిక ఆదాయంలో కొంత భాగాన్ని పన్నుల కోసం పక్కన పెట్టడం అలవాటు చేసుకుంటే, ఈ సమస్యల నుండి దూరంగా ఉండవచ్చు.
- ఫ్రీలాన్స్ ఆదాయం పైన పన్ను చెల్లించాల్సి ఉంటుంది.
- ప్రతి నెల మీ ఆదాయంలో కొంతశాతం టాక్స్ కోసం జమ చేయండి.
- ప్రొఫెషనల్ టాక్స్ కన్సల్టెంట్ సలహాలు తీసుకుని, టాక్స్ సేవింగ్ ఇన్వెస్ట్‌మెంట్స్ గురించి తెలుసుకోండి.
8. ఆర్థిక నిపుణుల సలహా తీసుకోండి
మీరు ఎన్ని ఆర్థిక సూచనలు చదివినా, ప్రతీ ఒక్కరి పరిస్థితులు భిన్నంగా ఉంటాయి. అందుకే, అవసరమైతే ఫైనాన్షియల్ ప్లానర్ సలహా తీసుకోండి. రమేష్ తన మూడవ ప్రాజెక్ట్ సమయంలో ఒక నిపుణుడిని సంప్రదించటంతో, తన సేవింగ్స్‌ను పెట్టుబడుల్లో మార్చడం ప్రారంభించాడు.
మిమ్మల్ని మీరు ప్రోత్సహించండి
ఫ్రీలాన్స్ జీవితం అనేక సవాళ్లతో కూడుకున్నది. కానీ సరైన ప్రణాళిక మరియు ఆర్థిక నియంత్రణతో, మీరు మీ ఆదాయాన్ని సమర్థవంతంగా నిర్వహించవచ్చు. మీరు మీ లక్ష్యాల మీద దృష్టి పెట్టి, లాంగ్-టర్మ్ ఫైనాన్షియల్ సెక్యూరిటీని సాధించవచ్చు.
