SWP: మ్యూచువల్ ఫండ్ నుంచి నెలనెలా ఆదాయం ఎలా పొందాలి?

SWP: ఇన్వెస్ట్మెంట్స్ కు ప్రాధాన్యం ఇచ్చేవారిలో కొంతమంది SIP లో ఇన్వెస్ట్ చేస్తుంటారు. SIP (Systematic Investment Plan) లో ప్రతి నెలా కేవలం కొన్ని మొత్తం డబ్బు పెట్టడం ద్వారా ఇన్వెస్టర్లు తమ ఆదాయాన్ని పెంచుకునే ప్రయత్నం చేస్తారు. కానీ, SIP లో క్యాష్ ఫ్లో ఒకే దిశలో ఉంటుంది, మీరు పెట్టుబడి చేస్తారు, కానీ తక్షణమే రాబడులు రాలవు. కానీ చాలా మంది ఇన్వెస్టర్లకు ఒక సందేహం ఉంటుంది: “నేను పెట్టుబడి చేయకుండా నా పెట్టుబడిలో నుంచి ప్రతి నెలా కొంత మొత్తాన్ని వేంకి వస్తే బాగుంటుంది.” ఇది మ్యూచువల్ ఫండ్స్ లో SWP (Systematic Withdrawal Plan) అనే ఆప్షన్ ద్వారా సాధ్యం. ఇది రిటైర్‌మెంట్ ప్లానింగ్ లేదా ప్యాసివ్ ఇన్కమ్ కావలసిన వారికి చాలా ఉపయోగకరంగా ఉంటుంది.

మ్యూచువల్ ఫండ్లలో SWP లో, మీరు ముందుగా ఒక పెద్ద మొత్తాన్ని పెట్టుబడి చేసి, తరువాత ప్రతి నెల లేదా క్వార్టర్‌కు ఒక నిర్దిష్ట మొత్తం విత్‌డ్రా చేసుకోవచ్చు. ఈ ప్లాన్ ద్వారా, పెట్టుబడిదారులు నిర్ణీత సమయ వ్యవధిలో నిర్ణీత మొత్తాన్ని తమ నిధుల నుంచి తీసుకోవచ్చు. ఇది ఆదాయాన్ని ఉత్పత్తి చేయడం మరియు మూలధనాన్ని పరిరక్షించడం కోసం సమతుల్యమైన విధానాన్ని అందిస్తుంది, కాబట్టి వివిధ పెట్టుబడిదారుల అవసరాలకు అనుగుణంగా ఒక బహుముఖ ఆర్థిక సాధనంగా ఉపయోగపడుతుంది.

SWP అంటే ఏమిటి?

SWP అనేది మ్యూచువల్‌ ఫండ్స్‌ అందించే ఒక సదుపాయం. మ్యూచువల్‌ ఫండ్స్‌ లో SWP సదుపాయాన్ని కొన్ని ఫండ్స్ మాత్రమే అనుమతిస్తాయి. ఇది పెట్టుబడిదారులు తమ పెట్టుబడి నుండి స్థిరమైన లేదా ఎంపిక చేసుకున్న మొత్తాన్ని క్రమం తప్పకుండా ప్రతి నెల ఉపసంహరించుకోవడానికి అనుమతిస్తుంది. ఈ ఫండ్స్‌ నెలవారీ ఆదాయం అవసరమయ్యే వారికి అనుకూలంగా ఉంటుంది. ఉపసంహరించుకున్న మొత్తం మూలధన లాభాలుగా పరిగణించబడుతుంది. ఈ ఫండ్‌లో మనం నెలవారి తీసుకునే ఆదయంపై కాకుండా ధీర్ఘకాలంలో వచ్చే రాబడికి ఎటువంటి హామీ లేదు మరియు మార్కెట్‌ పరిస్థితులపై ఆధారపడి ఉంటుంది.

ఉదాహరణ:

మనము రవి అనే వ్యక్తిని తీసుకుందాం. రవి తన రిటైర్మెంట్ నిధిగా 10 లక్షల రూపాయలను ఒక మ్యూచువల్ ఫండ్‌లో పెట్టుబడి పెట్టాడు. ఇప్పుడు, ప్రతి నెలా 10,000 రూపాయలు విత్డ్రా చేసేందుకు Systematic Withdrawal Plan ఆప్షన్ ఎంచుకున్నాడు. ఈ విధంగా, రవి తన మ్యూచువల్ ఫండ్ నుండి ప్రతి నెల 10,000 రూపాయలను పొందగలుగుతాడు, మరియు ఇది అతనికి నిలకడైన ఆదాయం కల్పిస్తుంది. పెట్టుబడిలో మిగిలిన మొత్తం పెరుగుతూనే ఉంటుంది.

మ్యూచువల్ ఫండ్‌లో సిస్టమాటిక్ విత్డ్రాల్ ప్లాన్ యొక్క ప్రయోజనాలు

మ్యూచువల్ ఫండ్ పెట్టుబడిలో Systematic Withdrawal Plan అనేది మీ పెట్టుబడుల నుంచి క్రమంగా, నిర్దిష్ట మొత్తాన్ని తీసుకునే పద్ధతి. దీని ద్వారా మీరు నిత్య అవసరాలకు తగిన ఆదాయాన్ని సులభంగా పొందవచ్చు. ఇది మీకు అనేక ప్రయోజనాలను అందిస్తుంది, SWP యొక్క ప్రయోజనాలను సవివరంగా చర్చిస్తాం.

1. రెగ్యులర్ ఆదాయం

ఈ ఆప్షన్ ద్వారా మీరు నెలకు లేదా త్రైమాసికం లాంటి నిర్దిష్ట సమయ వ్యవధిలో స్థిరమైన మొత్తం పొందవచ్చు. ఇది మీకు నిరంతర ఆదాయం అందిస్తుంది, ఇది ముఖ్యంగా విరామాలను లేదా రిటైర్మెంట్ ప్రణాళికలను నిర్వహించడంలో చాలా ఉపయోగకరంగా ఉంటుంది. ఉదాహరణకు, మీరు అనుసరించాలనుకునే నెలవారీ ఖర్చులను మద్దతు ఇవ్వడానికి SWP ద్వారా లభించే ఆదాయం ఉపయోగపడుతుంది.

2. ఆర్థిక నియంత్రణ

SWP మీకు నిధులను ఎప్పుడూ, ఎంత మొత్తాన్ని విత్డ్రాల్ చేసుకోవాలో పూర్తి నియంత్రణను అందిస్తుంది. మీరు మీ ఆర్థిక అవసరాలకు అనుగుణంగా విత్డ్రాల్ మొత్తాన్ని సెట్ చేయవచ్చు. ఉదాహరణకు, మీరు ఒక నెలలో ఎక్కువ ఖర్చులు ఉండే సాహాయం కావాలనుకుంటే, ఈ ఆప్షన్ ద్వారా అదనంగా తీసుకోవచ్చు. ఇది మీ ఆర్థిక నిర్వహణను మరింత సులభతరం చేస్తుంది.

3. పెట్టుబడి నిర్వహణ

SWP యొక్క ప్రత్యేకత, ఇది మీ పెట్టుబడిని సమర్థవంతంగా నిర్వహించడానికి సహాయపడుతుంది. మీ పెట్టుబడిలో లభించే లాభాలను కొద్దిగా కొద్దిగా విత్డ్రాల్ చేస్తూ, మిగతా నిధులను పెంచుకోవచ్చు. ఇది మీ పెట్టుబడి యొక్క పొదుపు మరియు వృద్ధిని సారధిగా నిర్వహించడంలో సహాయపడుతుంది.

4. అనుకూలంగా ఉపయోగించుకోవడం

SWP ద్వారా అందుతున్న లాభాలను లేదా ఆదాయాన్ని మీ వ్యక్తిగత అవసరాలకు ఉపయోగించవచ్చు. ఉదాహరణకు, మీరు వైద్య ఖర్చులు, పెన్షన్, లేదా ఇతర అత్యవసర అవసరాల కోసం SWP ఆదాయాన్ని ఉపయోగించవచ్చు. ఇది మీరు అవసరాన్ని బట్టి, అవసరమైన మొత్తాన్ని అందిస్తుంది.

5. మూలధనాన్ని కాపాడడం

మీరు చిన్న-చిన్న మొత్తాల్లో విత్ డ్రా చేసుకుంటూ, మీ మూలధనాన్ని పరిరక్షించుకోవచ్చు. మీరు పెట్టుబడి మొత్తాన్ని ఒకేసారి విత్ డ్రా చేయకపోవడం వల్ల, మీ పెట్టుబడి వృద్ధి చెందడానికి అనువుగా ఉంటుంది. ఇది మీ పెట్టుబడిని భద్రంగా ఉంచడానికి మరియు ఎప్పటికప్పుడు ఆదాయం పొందడానికి సహాయపడుతుంది.

6. పన్ను నిర్వహణ

SWP సిస్టమ్ ద్వారా, మీరు మీ లాభాల పన్ను నిర్వహణను సులభతరం చేసుకోవచ్చు. ఎందుకంటే, మీరు తీసుకునే లాభాలను సవరించుకోవడంతో పాటు, పన్ను ప్రభావాన్ని తగ్గించుకోవచ్చు. ఇది మీ పెట్టుబడికి సంబంధించి పన్ను నిర్వహణను సౌకర్యవంతంగా చేస్తుంది.

7. ఖర్చులను సవ్యంగా నిర్వహించడం

SWP మీ భవిష్యత్తు అవసరాలను ముందుగా ప్రణాళిక చేసి, ఖర్చులను సవ్యంగా నిర్వహించడంలో సహాయపడుతుంది. మీరు నియమిత మొత్తాన్ని అందుకుంటూ, మీ ఖర్చులను సమర్థవంతంగా నిర్వహించవచ్చు. ఇది ఆర్థిక ప్లానింగ్‌లో ముఖ్యమైన భాగంగా మారుతుంది.

మ్యూచువల్ ఫండ్‌లో SWP ద్వారా ఎంత వరకు విత్డ్రాల్ చేయవచ్చు?

మ్యూచువల్ ఫండ్‌లో SWP (సిస్టమాటిక్ విత్డ్రాల్ ప్లాన్) ద్వారా విత్డ్రాల్ చేసే మొత్తాన్ని నిర్ణయించడానికి కొన్ని కీలక అంశాలు గుర్తు పెట్టుకోవాలి. సాదారణంగా మ్యూచువల్‌ ఫండ్‌లు 20% నుండి 30% శాతం వరకు లాభాలను ఆందిస్తాయి. కానీ ధీర్ఘకాలంలో తక్కువలో తక్కువ 12% నుండి 15% లాభాలను ఆశించిన మంచి లాభాలను పొందవచ్చు. అలాగే, SWP ద్వారా మీ పెట్టుబడిలోని లాభాలను కాపాడుకోవడానికి, కొంతమేర మాత్రమే విత్డ్రా చేయడం మంచిది. సాధారణంగా, పెట్టుబడి వృద్ధి కొనసాగడానికి మీరు తక్కువ మొత్తాన్ని విత్డ్రా చేయవచ్చు. మీ పెట్టుబడి లక్ష్యాలు, రిస్క్ మరియు ఆదాయ అవసరాలకు అనుగుణంగా ఉండే మ్యూచువల్ ఫండ్‌ను ఎంచుకోండి.

ఉదాహరణ

మీరు ఒక మ్యూచువల్ ఫండ్‌లో ₹5,00,000 పెట్టుబడిని 20 సంవత్సరాల పాటు SWP ఆప్షన్ పెట్టారు అని అనుకుందాం మరియు మీరు నెలవారీ ₹5,000 విత్డ్రా చేయాలని అనుకుంటున్నారు. మీరు సాధారణంగా 12% రాబడిని ఆశిస్తున్నట్లయితే, ఇలా ప్రతి నెలా ₹5,000 తీసుకోవడం ద్వారా మీ పెట్టుబడిలో 12% వృద్ధిని కొనసాగిస్తూ 20 సంవత్సరాల గాను మొత్తం రూ.12,00,000 పొందుతారు. తరువాత మిగిలిన మొత్తాన్ని పొందవచ్చు. ఇలా మీ అవసరాలకు అనుగుణంగా ఆదాయం పొందవచ్చు. అయితే, మీరు ప్రతి నెల ఖర్చులకు డబ్బు పొందుతూ, మిగిలిన మొత్తానికి ఆ యొక్క ఫండ్ కు అనుగుణంగా వడ్డీ ని పొందవచ్చు. కాబట్టి మీరు ఇది జాగ్రత్తగా సమీక్షించి ప్రతినెల మీ పెట్టుబడి నుండి 5% నుండి 10% వరకు ఉపసంహరించుకోవడం ఉత్తమం.

సిస్టమాటిక్ విత్డ్రాల్ ప్లాన్ పై పన్ను విధింపు